జీవన్మృతులు కీర్తిశేషులు

*శ్లోకం*

జీవతి యశో యస్య

కీర్తిర్యస్య స జీవతి|

అయశోఽకీర్తి సంయుక్తో

జీవన్నపి మృతోపమః||

(సుభాషితరత్నావళి)

*తాత్పర్యం*

యశస్సును కీర్తిని గలవాడు జీవించినవాడగును.అయశస్సు ,అకీర్తితో కూడిన వాడు జీవించియున్నను మరణించిన వానితో సమానము.యశస్సు అనగా పరాక్రమధైర్యసాహసముల వలన కలిగేది.కీర్తి అనగా దానధర్మాదుల వలన కలిగేది.

మాననీయుడితడుబహుమంచివాడంచు

పేరుపొందుబ్రతుకె పెద్ద బ్రతుకు

చెనటివాడువీడు చెడ్డవాడనియంచు

బ్రతికినట్టి బ్రతుకె బండ బ్రతుకు

(తెనిగింపు -విద్వాన్ గొల్లాపిన్నినాగరాజశాస్త్రి)