పద్మావతీ దేవి -పంచమీతీర్థము

స్వాగతించవలయుజగమేలు తల్లికి

జగతిరక్షంబంత జరుపు తల్లి

పద్మావతీదేవి పర్యవేక్షించగా

లోటేమి యుండును లోకమందు

అమృతాభ్ధి వెడలి యవనికినేతెంచి

అనురాగ మందించు నమ్మ వమ్మ

సకలసంపదలెల్ల సమకూర్చి కాపాడు

మమ్మేలు తల్లియే మాకుచాలు

కరుణాంతరంగుని కళ్యాణి వీవమ్మ

కరుణించి కాపడు కరుణ తోడ

ఆ.వే.నిన్ను నమ్మ జనుల నిరతంబు కాపాడు

తల్లి మనసు యనుచు తలపుకొచ్చు

అమ్మ వైన నీవె యంబవైననునీవె

సుతుల కావ గలుగు మాత వీవు

(రచన:--విద్వాన్ గొల్లాపిన్ని నాగరాజ శాస్త్రి)