కర్మాను బంధమ్ము

జనియించినామేమొ జన్మజన్మాలలో

కర్మానుబంధాలకారణాన

అపవర్గమున్నట్లునసలుకే మరుపొచ్చి

మమతానుబంధాలమరగినాము

కార్పణ్యదోషాలకారణాలేమైన

సహజమౌస్థితినుంచిజారినాము

ఇహలోకసౌఖ్యాలయెండమావులవెంట

దాహార్తితో మేమంత తరలినాము

ధరలోన బ్రతుకంత ధర్మసత్రమనుమాట

మరపునకొచ్చిగా మాకునెపుడు

ఆ.వె.సృష్టిచిత్రమిదియె దృశ్యమాన జగతి

కల్లయగునుకాదె కాలగతిని

నీదుచరణసేవ నిరతంబునిచ్చుటె

ఔషధంబునాకు నుర్విపైన

(రచన:--విద్వాన్ గొల్లాపిన్నినాగరాజ శాస్త్రి)