భయపెట్టుతల్లికే భయము

భయపెట్టుతల్లియె భయముతో పతిచేర

భయభంగవ్యసనుండుభయముబాపె

దశకంఠుగర్వాన్ని దర్పంబునడచగా

సమకట్టెతానిట్లు సాంబశివుడు

నటనంబునర్తించునటరాజునటనాన

జగదంబతానంతజట్టుగూడె

కైలాసశైలంబుకదలించజూడగా

పాదాంగుళీయంబు పనికివచ్చె

వాగర్థములరీతి వాత్సల్యభావము

మనపైన చూపిన మనకుచాలు

పార్వతమ్మ తల్లిపంచనుజేరిన

మనకుకొదవయేమి మహినిసుమ్ము

అండదండలిచ్చునభవుడెపుడుతండ్రి

పుట్టినిల్లుకాదె భువిని మంత

(రచన- విద్వాన్ గొల్లాపిన్ని నాగరాజ శాస్త్రి)