దేహము -దేహి

దేహాలు యెన్నైన దేహియొకడనుచు

తెలిసికొనుటంతతెలివి యౌను

అలలుయెన్నైనను నంభోధి యొకటంచు

సత్యమ్ము తెలియుటె సాధు వగును

సకలజీవలయందు సర్వాత్ము డుండగా

హింసించు తలపంత హీన మగును

కర్మాను బంధమే కారణంబనియంచు

వేదాలు శాస్త్రాలు వెల్లడించె

ఆ.వె.పూర్వకర్మ చేత పుణ్యంబు పాపంబు

అనుభవించ వలయు యయ్యలార!

జీవహింస లేని జీవనమ్మెమనకు

లక్ష్య మైన చాలు లక్ష లేల!

(విద్వాన్ గొల్లాపిన్ని నాగరాజ శాస్త్రి)

సర్వజీవులయందు సర్వేశ్వరుండుట

ఎల్లరెరినయట్టి యెరుక కాదె

అతడులేకమనకుయస్తిత్వంబు

అణుమత్ర ముండుట యసలు లేదు

నీదుప్రాణమనిన నీకెట్లు తీపియె

ఇతరజీవులకట్లు యిష్ట మగుట

తెలసికొనినవాడెధీమంతుడుర్విలో

పూర్వకర్మ వలన పుడమిలో జన్మించి

ప్రారభ్దకర్మాన బ్రతుక నిండు

ఆ.వె.హింస మార్గ మొదలి హితముతో వర్తించు

బ్రతుకు వాని బ్రతుకె భాగ్య మయ్య

సాధ నంబు చేత సమదర్శ నంబును

అందిపుచ్చుకొనుటె యవసరమ్ము

(రచన:--విద్వాన్ గొల్లాపిన్ని నాగరాజ శాస్త్రి)