ఆణి ముత్యములు
అంబ పుట్టె నేమొ యాదిలక్ష్మి యనగ
అన్న పూర్ణ యట్లు నమ్మ వచ్చు
పార్వతనుచు మనము భావించ వలెనోయి
పుత్రికూడ యింక పుత్రు డౌను
అమ్మ కరుణ కల్గ నఖిలంబు.లభియించు
కొరత యింతలేక కోర్కె తీరు
అమ్మ చరణ సేవ నమృతత్వ సిధ్ధియె
కలియుగుములోన కల్ప తరువు
కినుక పూనరాదు గికురించతగదోయి
మోసగింపరాదు మాయ బూని
కల్ప కాల ముండు ఖలునకు నరకమ్ము
గురువు వంచనమ్ము కూడదెపుడు
అమ్మ కరుణ కల్గ నఖిలంబు.లభియించు
కొరత యింతలేక కోర్కె తీరు
అమ్మ చరణ సేవ నమృతత్వ సిధ్ధియె
కలియుగుములోన కల్ప తరువు
పద్మదళము బోలు వదనమ్ము కనపట్టు
పరిమళించి నట్లు పలుకులుండు
కర్కశంపు మనసు కర్కటీ తుల్యము
ఆతతాయి వినయ మభిన యించు
కామెంట్లు
కామెంట్ను పోస్ట్ చేయండి