అమ్మ భాష

తల్లి గర్భమునుండి తనయుండు నేర్చిన

మాతృభాషనెపుడు మరువదగునె

అమ్మకడుపులోనెనాభిమన్యుండు

తమ్మిమెగ్గయయొడుపుతాను నేర్చె

అష్టాక్షరీమంత్రమభ్యసించెనుకాదె

కనకకశిపుసుతు కథలు వినమె

పరభాష పదముల పరిచయమయినంత

పండితుండగుమాట ప్రల్లదనము

ఆ.వె.తల్లినోచనట్టి తనయుండు పినతల్లి

ఎట్లు నోచుననచు యెరుక లేదె

వెర్రి మోజునొదిలి వేల్పుతల్లిపలుకు

అమ్మ భాష కన్న యమృత మేది?

(రచన:--విద్వాన్ గొల్లాపిన్ని నాగరాజ శాస్త్రి)

ఆంగ్ల మాధ్యమమమ్మే యత్యుంత్తంబనుచున్న

గర్హనీయంపు పల్కు కానిమాట

తెలుగుపలుకెరాని తెలుగుబిడ్డడెపుడు

ఆంగ్లభాష నెటులనాదరించు

ఇంటగెలువకుండ మింటగెల్వతరమె

ఆంధ్రమసలురాక నాంగ్ల మెట్లు

అమ్మభాషయనెడి నమృతమ్మువదిలేసి

ఎంగిలాకుకొరకు నేగ దగునె

ఆ.వే. ఆంగ్ల మాధ్యమంబత్యవసరమనుచు

అలమటించే నేల నాంధ్రులార

తెలుగునుడుల తీపి తెగజుర్రుకొనకుండ

ఆంగ్ల భాష మీకు నర్థ మగునె

(రచన:--విద్వాన్ గొల్లాపిన్ని నాగరాజ శాస్త్రి)