వారధి నిర్మించె

వారధి నిర్మించె వానర సైన్యము

లంకానగరమింక లక్ష్య మాయె

రామదండుకదలె రావణాసురుకింక

కాళరాత్రియగుట ఖచ్చితంబు

ధర్మమే రాముడై ధర్మంబు రక్షింప

ధాత్రిజకొరకునై తాను వెడలె

గాంభీర్య జలధియౌ కోసలేంద్రుండంత

రావణ వధకునై రచన చేసె

ఆ.వే. ధీరు వరుడెయతడు మేరునగము బోలు

కరుణ చూప టందు కల్పవృక్షమతడె

రాము బోలు వాడు రాము డొకడె

(రచన:౼విద్వాన్ గొల్లాపిన్నినాగరాజశాస్త్రి)

కపులెల్ల యొనగూడి కౌశల్య మొప్పగా

(సేతువు నిర్మించ్రి సీతకొరకు)

కార్యంబు నెరవెరే కాలమహిమ

శిలలెల్లతేలెగాజలధిలో బెండ్లుగా

కానగ లేరయ్య కాలమహిమ 

మానవుల్ మొత్తిరి దానవ సంఘంబు

కాలంపు మహిమను కాంచ గలమె

దశకంఠు చరితంబు తార్కాణ మగునయ్య 

పథము దప్పిన వాడు పతన మగును

ఆ.వే.

ప్రకృతి కూడ దుష్టు పరి మార్చ దలచును

మంచి వారికెపుడు మాన్య తుండు

ధర్మరక్షసేయచేయ ధర్మంబు రక్షించు

సకల నీతి శాస్త్ర సారమిదియె

(రచన:--విద్వాన్ గొల్లాపిన్ని నాగరాజ శాస్త్రి)