తల్లి భాష

తల్లి గర్భమునుండి తనయుండు నేర్చిన

మాతృభాషనెపుడు మరువదగునె

అమ్మకడుపులోన యభిమన్యవీరుండు

పద్మవ్యూహ్యంబును పట్టుపట్టె

అష్టాక్షరీమంత్రమభ్యసించెనుకాదె

కనకకశిపుసుతు కథలు వినమె

పరభాష పదముల పరిచయమయినంత

పండితుండగుమాట ప్రల్లదనము

ఆ.వె.తల్లినోచనట్టి తనయుండు పినతల్లి

ఎట్లు నోచుననచు యెరుక లేదె

వెర్రి మోజునొదిలి వేల్పుతల్లిపలుకు

అమ్మ భాష కన్న యమృత మేది?

(రచన:--విద్వాన్ గొల్లాపిన్ని నాగరాజ శాస్త్రి)