లలితాంబ సమరము

సమరంబు చేయగా సమకట్టె లలితాంబ

అసురమూకలనెల్ల యణచ దలచి

చిదగ్ని కుండాన చిన్మూర్తి గావచ్చి

అమరవరుల నెల్లయాదు కొనియె

భావనా గమ్యవై భవబంధ ముల్ ద్రుంచి

భవరోగ వైద్యంబు మాకు చేయ

కైలాసగిరినుంచి కదలివచ్చితివివమ్మ

కరుణార్ద్ర దృష్టితో కదిలివచ్చినతల్లి

భక్తప్రియయనుచు భక్తివశ్యవనుచు

బహుపురాణోక్తులు మాకుతెల్పె

ఆ.వే.నిన్ను నమ్మి నాము నిరతంబు నీధ్యాసె

ఇదియె చాలు మాకు యిహము నందు

పరము చూడ నీదు బాధ్యతే యగునమ్మ

తనవి చెందవలదె తల్లి వద్ద