దేవదేవుడు

దేవతల్ వేడగా దేవకీ గర్భాన

జగమేలు స్వామియే జన్మ మందె

అష్టమీ తిథియందు యష్టమగర్భాన

అవతరించెను గాదె యచ్యుతుండు

పరపక్షమేలేని పరమాత్ము చెంతకు

కృష్ణపక్షమ్మింక కృష్ణు చేరె

చెరసాల పుణ్యంబు చెప్పలేరెవ్వరు

అఖిలాంతరాత్ముడె యవతరించె

అవతార తత్త్వంబునమ్మనాన్నల కెల్ల

ఆసక్తి వివరించు నధ్భుతమ్ము

చెవులార విన్నట్టి చెరసాల భాగ్యమ్ము

ఇతిహాసమందంత యిమిడిపోయె

నిశిరాత్రి వేళలో నిబిడాంధకారాన

రేపల్లె చేరిన రేని కథ

భవ్యమౌ రీతిగా భాగవత సుధనంత 

ఆస్వాదించవలయు నమృత మట్లు

పాపాత్ము రాలవౌ పూతనా  రాక్షసి

చనుబాల విషమిచ్చిచనియె దివికి పగతోనునిత్యంబు పరమాత్ము ధ్యానించి

పరమపదమునందు పగతుడైన