భజగోవిందశ్లోక భావమును వాదము

1ఎవరు భార్యపుత్రుడెవరోయి మిత్రుండు

కాపురంబు చూడకలుగువింత

ఎవరు తనదురాక యెటునుండి తెలియక

తత్త్వ మెరుగ తరమె ధరణిలోనే

2బాల్యమేమొ యాటపాటలకరుగును

యువతి వలపు చిక్కె యవ్వనమ్ము

ముదిమి వయసులోన ముసురుకొనునుచింత

బ్రహ్మ ముందు మనసు పారదకట!

(ముక్తికోరనట్టి మూర్ఖ బుధ్ధి)

3 ప్రాణమున్న వరకె భార్యాను బంధమ్ము

కుశలమడుగు తాను కూర్మి మీరు

ఊపిరాగగానె యుండదు బంధమ్ము

మాయదారి జగతి మర్మమింతె