చిలిపి కృష్ణుడు

చిలిపి కృష్ణుడతడు శిఖిపించ మౌళియౌ

ఆలమందలతోడనరుగు చుండు

గోప బాలు డమ్మ గోవిందుదతడమ్మ

మనకు రక్ష నొసగు మాధవుండు

దేవుదేవుడతడు దేవకీ గర్భాన

జననమందినతడు జగతికావ

వేదవేద్యుడతడువేణుగానలహరి

వినిపించి మురిపించె విశ్వ మయత

గోవర్ధనోధ్ధారి గోపబాలురకూడి

ఆలమందలతోడ యరిగి తిరిగె

ఆ.వె.బాలకృష్ణు డతడు భక్తమానసహంస

శిష్ట జనుల కెల్ల శ్రేయ మొసగ

అవని వెలసి నట్టి యచ్యుతుండతడోయి

ఇహము పరము లిచ్చు యూశ్వరుండు

(విద్వాన్ గొల్లాపిన్ని నాగరాజ శాస్త్రి)

(