దేవికీదేవ గర్భము

దేవదేవుండంత దేవకీ గర్భాన 

అష్టమ పుత్రుడైనవతరించె

జననమేలేనట్టి జగదీశ్వరుండంత

జననిగర్భాన జననమందె

వసుదేవతనయుడై వాసుదేవాఖ్యతో

విష్ణువే తానంత కృష్ణుడాయె

గోపికా లోలుడై గోవర్ధనమునెత్తి

ఇంద్ర గ ర్వమునంత నిసుకజేసె

కృపణుడైన యట్టి కూర్మిసఖునకంత

గీత బోధ తోడ రాత మార్చె

వేణు నాద మాయె వేదాంత వేద్యంబు

ఇట్టి గురువు నింక యిలను గలరె

(రచన:౼విద్వాన్ గొల్లాపిన్ని నాగరాజశాస్త్రి)