అతడు

1వల్లమాలినట్టి వాత్సల్య భావమ్ము

అలవికాని యట్టి యాదరమ్ము

మాటలోన తీపి.మనసులోనవెగటు

తేనె పూసిన కొన్న తేలుకొండి

2నమ్మినట్టివారి నట్టేట ముంచగా

నటనమాడు నట్టి నర్తకుండు

సూక్తిసుధల తోడి సున్నంబు పూయగా

వచ్చినాడు వాడు వదలడింక

3

నక్క వినయ మొప్ప నయగారమెలకించి

పటికబెల్లమట్లుపలుకరించి

పరులకార్య మెల్లపాడుచేయునుగాని

బాగుచేయనట్టి పాపి యితడు

4పదవిపొందుదచేతబలియుడై చెలరేగి

మంచివారినెపుడు బాధపెట్టి

పదవియూడగానె పాతాళమున క్రుంగు

దుష్ట నరుని బ్రదుకు దుర్భరమ్ము

5మంచిపనులనెంచమచ్చుకైననులేవు

వెధవ పనులు పెంచే వేనవేలం

మెచ్చవలయు నెట్లు మెరమెచ్చు మాటల 

నిజము పల్కు తంచు నింద వలదు

6తెలీవిలేకనీవు  తెగువయేతోడుగా

చెనటిపనులనెల్ల చేసినాను

మంచివారినంత బాధించి బాధించి

అలసిసోలసినావు నాదమరచి