డిసెంబర్ 31రాత్రి

నిశిరాత్రివేళలో నిబిడాంధకారాన

నడరేయి దాటగా నర్తనంబు

తప్పతాగిజనులు తైతక్కలాడగా 

ఆనందమన్నట్లు యభినయంబు

అరుపులూ కేకలు నల్లరే యల్లరి

ఇదియేమి పర్వమ్ము యిలను కలిగె

పొరుగుదేశపువారి పొడబాట్లు మనకేల

ఇంగ్లీజు వారిదౌ యెంగిలేల

ఆ.వే. జనవరొకటంచు జపమేల సేతువు

తెలుగువారికొక తెన్నులేదె

షడ్రుచులునుతెలుపు సంవత్సరాదియె

మనకు పండు గగను మరవ బోకు